كســــــرت أنا ضلوع الحنـــايــــــا = وشبيت نار وطرا ياعزوتــي كـــل مافات
وبصـــابــعـــي دلـــــعــــت الأوراق = وأركيت صدري وفاحنّ القصايد والأبيات
وأركــــيت كـــوعــي فــــوق شـــوقـــي = وصبيت من جال شعرٍ أشقر فيه طـربات

مـــن مــآذن مسـجــد الهـاشـمـي بطيـبه = رددوا الله أكـــبر على مـــتــن السحــــاب
الأراضي كلها طهــــــــر ونصلــــي به = أعلنوا في كل منها معي ضرب الرقـــاب
ليت ربي يكـــــتب المعجزة في غيبــــه = وأتفجر بالدنمــارك وأقلبهـــــــا عـــــذاب

شمختي يالسعودية شموخً كلن يهابه = رقت فينا شموخٍ للعلا وحنا رقينا به
وصلنا بعزها لأعلى مراتب شعب ودوله = عشقناها يموت القلب في حبه ويحيا به
بلادي قطعة منا وعرق نابض فينا = بلادي خير للي عادها وللخير بوابه

وأفخر بشعري وأتفاخر وأمدح الوجه الطويل = وأزتجل جزلات المعاني من بحر فكري بجاد
مادام حايل في يدين سعود ماتبغى بديل = الله وهبها حكمته والفضل من رب العباد

سقى الله دار عربين النسايب = سقاها من المطر وبلٍ وصايب
سقى الله من ولد فيها محمد = بلادٍ كل أبو شعبه قرايب
ديار العز وديار النشاما = هل العوجا عطيبين الضرايب

الشعر كيفٍ والقدوع القصايد = شاعر ويبقى بداخل الشاعر إنسان
للطيب وقفه وإمتداد وعوايد = وللعز منهاج وللقوم برهان
ناح الحمام وهز غبر الجرايد = وهز الضمير وهاج من حزن الألحان

يا ملوعني مع الوقت بأسلوب القطاعه = لا تحزني مصدقك لو تحلف يمين
مثلك من المستحيلات تتغير أطباعه = حتى لو حاولت ماظنتي قلبك يلين
خابرك معزتي معك ماهي بس ساعه = لي ثمان سنين لا عاد الله من سنين

الطنيه يمكن كلمة لو تنكتب ما تنقري = ماهي زعل ماهي كذا أكبر كفى الله شرها
هبت شمال بارده تقدر تقول الزمهري = ولا سموم تلفح اللي ينطحه في حرها
الطنيه والله هو زعل عادي في صدر الشمري = عرق قبض نفس الشمالي في يديه وبرها

ذيبٍ قنب في عاليات المراقيب = غصبٍ وقفت وشدني في قنيبه
وش لي بمرقاب قنب فوقه الذيب = وش لي بهالمرقاب وش لي بذيبه
يقنب ووثق نبله ضلوع محاديب = تل الرشا يومن قنب من قنيبه

الذهن تكمن روعته في شروقه = والجهل ينفع صاحبه بعض الأحيان
إنسان عاجز لا يقيم عجوزه = وربي ولا يستاهل يكون إنسان
ياشيخ لحظات الزمان معدوده = ماكنه إلا فارس وسرج وحصان

الشعر لو مالفلسفه ماضيع الفكر الخطير = واللومه اللي طاولتني ما تقاس بمسطره
البارحه فيما يرا النايم على ذاك الغدير = رأيت من لو أشرت جتها الكواكب بقمره
فيها جمال بجد جد وحسن منقطع النظير = تغري بمبسمها وتغلبني بتقليب شعره

قالوا لي مغرور ولا أنته بمعذور = حتى غرورك تحسب أنه نواميس
قلت الحيا ماهو غرور ولا قصور = وأن قلتوا غرور أنا أقول بأبليس
معذور أنا لو قالوا الناس مغرور = شلون ما أنغر والرفاقه سناعيس
من بعد ذي الحجه محرم وغُرّه = والقلب له شهوات تلوي ذراعه
وش لك بفعل كل مابه مضره = والفعل شرطه فالحكيم القناعه
والطبع ضين والتقاليد جره = والشوف أصدق للخبر من سماعه

يا شعر جيت ومذهلك فكري ولد عم القصيد = فكرٍ تحرره المراجل والكريم الأجودي
وأنا ماني بالشاعر الراحل طلال بن الرشيد = شاعر كبير بعين شعري بس توي مبتدي
ولو هم جمهوري ثمانين ألف قل وش بستفيد = لو ماكتبت الشعر في شمر وأنا من مولدي

وش يرد الشجر لو يستظل الفقير = تحت الأغصان من عقب التعب والنهار
يمكن يرد ظله بعض حر الهجير = يمكن إنه يجبّر نظرة الإنكسار
يحسب إنه يغير بالدقايق مصير = مادرى أن الهجير الجوف والجوع نار

بعض الهموم ضيوف يوم وليله = مسيار هــم وسجــتين وتعـــــــاتيب
ليله وصدرك عاجـــزٍ لا يشيله = وشلون لا صارت همومك معازيب
ماينفع ســــــــــــراج بليا فتيله = وما ترجع سنينك ولو تصبغ الشيب

شهر وأسبوع والله ماتحملت الفراق أسبوع = أنا بمشي وإذا الله كاتب لي شي يلقاني
من أولها خطاها كن عذر والخطا مرجوع = وأنا عذري فراشات الوله قامت تحداني
تطير وتنتشر في كل أحمر داخلي مجروع = تبللني بنفسج لين ما تلعب على أغصاني

قم يا نديمي ودور تيم = وإن ماحصل شف لنا بيبسي
فنجال مرٍ شربته ضيم = ومهــيلاتــي علـــــى حبسي
يجدعني الهم قبل أهيم = ويصيح بي لا تجـــي تبكي

لله در الشعــــــــر لا حل نزفــه = تروى به الأوراق من قبل الأقــلام
من ضاع له حق تباشر بنصفــه = ومن رد حق الله وحق البشر نــــام
من ظلمة يخرج هالإنسان نطفه = ويدخل بعد في ظلمة وسط الأرحام

ممكن سؤال وقالت إجلس بلا هبــال = ممكن تكرمنا بسكوتك شويه
قلت إعذريني غصب لك خافقي مال = مابيه وش رايك تبينه هديــه
وأصلاً أنا ماجيتك بكـــــل الأحــوال = أنا بدونــك ثقــل والله عليــه

فكري إليا منه شرد مابـــــــان = أسابقه بالجو كني غيمــــــه
وأشوف من عذب الكلام ألحان = فكرٍ أشد الناس في تقديمـــه
أكتب وكل اللي كتبته مــــــال = طبيعي عندي شي ماله قيمه

صبحتها بالخير قالت مساء الخير = يوم غدرتني قلت ياقسوة الرمــــــــــح
قالت ترا الدنيا مساء ياملا الخير = مع بسمة غصب المسا ينقلب صبــــح
قلت إعذريني دام وجهك ترا غير = يسعد صباح الصبح يا صبحي السمح