رالي حائل والسيارات والدراجات النارية - Hail Rally - Cars - Motorcycle



    إضافة رد
    قديم 09-May-2009, 11:28 PM   #1
    عضو جديد
    رقم العضوية : 36584
    تاريخ التسجيل : Apr 2009
    عدد المشاركات : 13 [+]
    آخر تواجد : [+]
    عدد النقاط : 10
    قوة الترشيح : "شخص ثاني" is on a distinguished road
    Thumbs up حلول مشاكل وخربات اللومينا والكابرس من موديل 2000 - 2008 ..جـــــــديد**new

    بسم الله الرحمن الرحيم
    السلام عليكم ورحمة الله وبركاته
    نظرا لتشابه المشكلات في اللومينا والكابرس الي نسمع عنها وهي 8 سرنلد من موديل 2000 الى 2008
    حبيت انزل موضوع يشمل جميع المشاكل وحلولها وأتوقع انه الموضوع الاول من نوعه في جميع المنتديات وللعلم ان المشاكل وحلها عن تجربة شخصية








    بسم الله الرحمن الرحيم
    نبدا


    1- القير ومشكلة التاخير او سماع حنة بين النمر :

    اذا حسيت بان القير يطول بالنمر او بديت تسمع له صوت مثل الحنه خصوصا في النمرة الثالثة او الثانية فهذه بداية احتراق الكلاتشات واذا طولت اكثر واكثر راح تحترق كلياً ووقتها السيارة ماراح تصير فيها الا نمرتين بس الاولى والثانية ,, طيب وش الحل ؟
    الحال طال عمرك والافضل أنك توظب القير بلا شك وتركب كلاتشات جي ام اصلية مع العلم انه يوجد نوعيات ثانية لكن انا اتكلم عن تجربة شخصية
    تركب كلاتشات جي ام اصلي ومبرد قير كبير سعره مع التركيب تقريبا 400 ريال , واذا كنت صاحب قومات ودعس ينصح انك تركب ترانز قو والشغلات هذي تتركب في ورش توظيب القيور .


    [color=#FF0000]
    2- الهوبات ومشكلة الرجه + الفحمات بسرعه تخلص :[/color

    ]طبعا هذي مشكلة معروفة انك لو تخرط الهوب مليون مرة الرجه ترجع مرة ثانية وايضا يصاحبها ان الفحمات تنتهي بسرعه ,, فيه نوع من الهوبات رياضي سعره تقريبا من 350 الى 400 ريال لونه ذهبي وتحصله مخرم هذي يركب بدون توليف انا استخدمته بصراحة ممتاز جدا بحيث اني ركب فحمات بدون ما اخرط ولكن مع الوقت الطوووويل يرجع يرج والحل انك تخرطه وراح يرجع من جديد مايرج والملاحظ على الهوبات هذي ان الفحمات ماتنتهي بسهولة ,, واماكن بيع الهوبات هذي بالرياض وجده والقصيم والايام الاخيرة انتشرت الهوبات هذي لدرجة انك تحصلها بالامكان العادية لكثرة الطلب عليها ,,


    3- الحرارة :

    الان جا الصيف وجات المشاكل معه
    واحيانا بعض الاشخاص يصادفون ارتفاع درجة الحرارة عندهم فينصح انك تتاكد من الشغلات هذي , 1- انك تركب موية حمراء نوع اي سي ديلكو اصلية قيمتها من 60 ريال الى 70 ريال , 2- تتاكد من المراوح انها شغالة , 3- بالاخير تسوي تسييخ للراديتر قيمته من 70 ريال الى 100 ريال تقريبا


    4- الحرارة ترتفع اذا كنت واقف
    :

    هذي اغلب الظن انها المروحة الكبيرة تعطلت واحسن حل انك تغيرها بوحده جديدة اصلية قيمتها 550 ريال


    5- صوت تك تك تك يطلع احيانا اذا كانت السيارة واقفة او باردة وفجاه يروح :



    طرمبة الزيت عندك ضعيفة ولاتضخ زيت الى اعلى المكينة فاحسن شي انك تتلاحق نفسك وتغير الطرمبة قبل لاتوظب مكينة او تغير شغلات ثانية
    سعر طرمبة الزيت الاصلية من 400 ريال الى 600 ريال .


    6- علامة تشيك انجن :

    هذي صعب اي شخص يعطيك السبب الرئيسي في هذي المشكلة علشان كذا الحل الوحيد انك تروح تفحس كمبيوتر ويحدد لك العطل الاساسي في السيارة من ايش وسعر فحص الكمبيوتر من 60 ريال الى 100 ريال .


    7- المسجل مايشغل سيديات او السيدي يكون عالق :

    السبب هو ان عدسة المسجل يبغى لها تنظيف او اعطيك حل على السريع من واقع تجربة شخصية ,, روح لاقرب بنشري وخذ منفاخ الهواء القوي وطلع كل السيدياات واجلس انفخ داخل المسجل .


    8- الانوار ضعيفة او الكهرباء تضعف او ظهور علامات فجاه على الطبلون :


    هي اغلب الظن انها من البطارية والافضل انك تركب بطارية 80 امبير ,, او انها تكون من الدينمو .


    9- تدخل المفتاح تحاول تشغل السيارة لكن المفتاح لايتحرك لايمين ولا يسار :

    عندك مشكلة بالقفل حاول تشحم المفتاح وتجرب حظك او تهز السيارة والحل الاكيد انك تفتح القفل وتروح تشري واحد من الوكالة بـ 170 ريال وتاخذ القديم وتوديه لمحل مفاتيح او محلات الذهب المختصه بالاقفال ويزينه لك على نفس المقتاح القديم .


    10- تسمع صوت مزعج اثناء المشي او الانعطاف:

    مثل ( ووون ووووون ووووون ) يزيد الصوت على حسب السرعه او تسمع بشكل ملحوظ اذا لفيت الى جهة معينة مثلا يمين او يسار هذا من برنق الجنط وسعر الواحد الاصلي 600 ريال هو عموم واحد يخترب مايختربون الاثنين مع بعض الا نااااادر

    11- صوت ضجه او السيارة ترج بشكل قوووي خصوصا وهي واقفه :


    هذي المكشلة غالبا تكون من كراسي المكينة يعني عندك الكراسي تعبانه والله لايهينك تغيرهم سعر الكرسي الواحد فيه انواع من 100 ريال الى 250 ريال تقريبا ( ملحوظه الاسعار غير اكيدة 100 %)



    12- رجه بالدركسون عند سرعه معينة تظهر فجاه وتروح عند سرعة معينة :



    هذي عندك واحد من الاثنين : يا الكفرات تحتاج ترصيص , او انك مركبهم عكس اتجاه السهم اللي مرسوم على الكفر ,, أو جلد الكردان عندك تعبانه ( الجلد اللي بنهاية العامود ) سعرها الاصلي تقريبا 500 ريال

    13- جهاز مانع الانزلاق ( التراكشن ) لايعمل :



    هو نادر يتعطل واذا تعطل راح تظل علامة التراكشن اووف شغالة على طول الى ان يتم اصلاح العطل ,, وغالبا تكون من الفيوز انه حرقان وقيمته من 5 ريال الى 10 ريال تقريبا ,, مع العلم انك لو رحت فحصت كمبيوتر على المشكلة راح يقولك العامل تحتاج الى جهاز مانع انزلاق جديد والسبب انه مافيه اشارة كهربائية صادرة من الجهاز نفسه لان الفيوز حرقان يعني زبدة الكلام قبل ماتسوي او تفحص تاكد من الفيوز


    14- البريك مايمسك بقوة وتحس انه ضعيف وتسمع صوات هواء اذا دعست بريك ورجلك تروح لداخل اكثر مع ظهور علامة تيشك انجن احيانا واحيانا ماتطلع :

    اذا كان المشكلة كذا
    هذا عندك الباكم تعبان ولازم تغييره
    وسعره حوالي 500 الى 550 ريال اصلي انا شريت واحد لكن من فترة طوويلة
    الباكم هو القطعه السوادء اللي موصول فيها علبة زيت البريك
    تحصلها قريبة مرة من الطبلون ولونها اسود وهي شكلها دائري كبير
    بس انت قبل لاتغير تاكد من العامل


    15كان فيه تقطع بالموتر اول التشغيل وبعد ربع ساعة يختفي :


    البواجي والاسلاك عندك خرباانه


    طبعا هذي اغلب هالمشاكل تواجه كثيرين من أصحاب اللومينات والكوابرس هذي هي حلولها

    تحياتي للجميع
    "شخص ثاني" غير متصل   رد مع اقتباس
    قديم 10-May-2009, 01:06 AM   #2
    ـــــــــــــــــــــــــ
    رقم العضوية : 413
    تاريخ التسجيل : Jan 2007
    عدد المشاركات : 13,424 [+]
    آخر تواجد : [+]
    عدد النقاط : 3453
    قوة الترشيح : الشاااامخ has a reputation beyond repute الشاااامخ has a reputation beyond repute الشاااامخ has a reputation beyond repute الشاااامخ has a reputation beyond repute الشاااامخ has a reputation beyond repute الشاااامخ has a reputation beyond repute الشاااامخ has a reputation beyond repute الشاااامخ has a reputation beyond repute الشاااامخ has a reputation beyond repute الشاااامخ has a reputation beyond repute الشاااامخ has a reputation beyond repute
    ذهبي  رياضي متميز  وسام الفيديو 
    افتراضي

    مشكور أخوي "شخص ثاني"

    على موضوعك الرآئع
    الشاااامخ غير متصل   رد مع اقتباس
    قديم 10-May-2009, 12:43 PM   #3
    عضو فعال
    رقم العضوية : 12411
    تاريخ التسجيل : Apr 2008
    عدد المشاركات : 952 [+]
    آخر تواجد : [+]
    عدد النقاط : 10
    قوة الترشيح : ـآلمآهر is on a distinguished road
    افتراضي

    مشكور أخوي ][ شخص ثآني ][
    والله يعطيك آلعآفيهـ ..
    ولاتحرمنا من قآدمك المميز و الرائعـ ..
    تقبل مروري
    ـآلمآهر غير متصل   رد مع اقتباس
    قديم 11-May-2009, 05:23 PM   #4
    مبدع
    رقم العضوية : 19799
    تاريخ التسجيل : Aug 2008
    عدد المشاركات : 2,391 [+]
    آخر تواجد : [+]
    عدد النقاط : 345
    قوة الترشيح : عبدالعزيز عارف is a jewel in the rough عبدالعزيز عارف is a jewel in the rough عبدالعزيز عارف is a jewel in the rough عبدالعزيز عارف is a jewel in the rough
    الحضور المميز بقسم السيارات  الحضور المميز للجوال 
    افتراضي

    يعطيك الله الف الف عافية وموضوع رائع وتشكر جزيل الشكر ....
    التوقيع


    الاعلانات :

    المبلغ المطلوب ثلاثون مليون واربع مائة الف ريال

    عبدالعزيز عارف غير متصل   رد مع اقتباس
    قديم 13-Sep-2009, 01:42 AM   #5
    عضو جديد
    رقم العضوية : 46418
    تاريخ التسجيل : Sep 2009
    عدد المشاركات : 5 [+]
    آخر تواجد : [+]
    عدد النقاط : 10
    قوة الترشيح : ROOMANCY is on a distinguished road
    افتراضي ارجو حل المشكله

    لدي كابرس 2005
    لاكنه عندما فصلة احد الفيوز الموجوده بالكابوت لونه ابيض من الفيوز الكبيره وغيرته لم تشتغل السيارة مره اخر وحاولت ارجع الفيوز القديم لاكن نفس المشكله لدي ارجو حلها
    ROOMANCY غير متصل   رد مع اقتباس
    إضافة رد

    مواقع النشر (المفضلة)



    أدوات الموضوع
    انواع عرض الموضوع تقييم هذا الموضوع
    تقييم هذا الموضوع:

    تعليمات المشاركة
    لا تستطيع إضافة مواضيع جديدة
    لا تستطيع الرد على المواضيع
    لا تستطيع إرفاق ملفات
    لا تستطيع تعديل مشاركاتك

    BB code is متاحة
    كود [IMG] متاحة
    كود HTML معطلة
    Trackbacks are معطلة
    Pingbacks are معطلة
    Refbacks are معطلة


    المواضيع المتشابهه
    الموضوع كاتب الموضوع المنتدى مشاركات آخر مشاركة
    للبيع جيب ناتفيا مستوبيشي موديل 2008 شبه جديد بالصـــــور .... ربان المنتدى رالي حائل والسيارات والدراجات النارية 3 19-Sep-2011 05:48 PM
    للبيع فياقرا موديل 2000 مواصافات خيالية نظيفة بكل ماتعنيه كلمة نظيفة السوم 45الف الحبر المتميز رالي حائل والسيارات والدراجات النارية 4 29-Apr-2011 12:38 AM
    تبحث الجهات الأمنية على طريق حائل – المدينة المنورة عن شاب عشريني يستقل سيارة هايلوكس موديل 2008 سطا على مسافر وسلبه غامض اجاء منتدى حائل الخاص 9 26-Jun-2010 12:04 PM
    جميع حلول مشاكل الشعر وحب الشباب والمكياج وغيرها عطر الليل منتدى الجمال والأناقة 7 07-Nov-2009 10:17 AM
    الرضاعه الطبيعيه الغذاء المثالي لطفلك ( مزايا .. مشاكل ... حلول ) كحيله منتدى الأسرة والمجتمع والطفل 4 28-Mar-2009 11:02 PM


    الساعة الآن 04:35 PM


    إستضافة وترقية وتطوير

    Upgrade by KsaTec.CoM.Sa Copyright ©2000 - 2014, Jelsoft Enterprises Ltd. vBulletin 3.8.7
    Content Relevant URLs by vBSEO 3.6.1
    جميع الحقوق محفوظة حائل نت
    Google

    1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117