هكذا ابتدأت الشاعره بدرية العنزي.. امسيتها الاولى .. المقامه في الخيمه النسائية في قرية مشار السياحيه بمشاركة الشاعره دموع يتيمه
عريفة الامسيه فوزية العمودي عرفت الحضور الذي ازدحمت فيهم ساحات الخيمه .. بالشاعرتين .. ثم استهلت الشاعره دموع يتيمه بقصيده ترحيبه يقول مطلعها :
يامرحبا واهلين والفين ترحيب ...للي حضر من شان دموع اليتيمه
تستاهلون المدح يامنبع الطيب ..والله جيتكم لها مليون قيمه
ثم انتقل المايك الي الشاعره بدرية العنزي وبدأت قصائدها بابيات ترحيبيه منها الي من جميع الحضور :
هلا هلا واهلين من قلب ممنون .... مني لهل حايل سلام وتحيه
يا مرحبا واقولها الف مليون ....بحضوركم ياهل القلوب الوفيه
الابتسامه والاعجاب لم يكن يفارق وجوه الحاضرات بوجود نماذج قوية لشاعرات حايليات بهذا المستوى من القصيد والشعر ..
في تلك الامسيه .. تصفيق حار .. وقصائد فخر واعتزاز .. ورثاء .. وحب وغزل .. تنوعت وابهجت .. وكان لي من الموقت القليل
حتى اكتب مارسخ في ذاكرتي واثر في وجداني ووجدان الجميع وكان له صدى وتفاعل من الحضور مع الشاعرتين
.. وتميز .. بتميز ابياته وكلماته .. وقصيده ... قوية قويه كما ردتها السن الحاضرات .. للشاعره بدرية العنزي ..
في مدح سمو الامير سلمان
سلمان ياراعي السجايا النظيفـه.........يامغني المحتاج وقـت العظايـم
مواقفـك بالخيـر والله مريفـه...... ...دايم على كسب النواميس قايـم
لك صرح حافل باالعدل والنصيفه .......حرٍ شريفٍ في سما الطيب حايـم
غيث الضعيف اللي ظروفه صليفه......... لا لوّعه حظه وشـاف الظلايـم
وعون اليتيم اللي حياته كسيفـه ........حظه عنيد وذاق منـه الهزايـم
يابوي وينك مانت في ذيك الزوايا .. يابوي. تكفى تعال او قل وين انت
ابشتكي يا بوي من نجوس النوايا ...ولو كنت عندي فهمتني لو ماأعلنت
يا بوي عود وعطني الحنان وهوايا ..ابغى صدى صوتك ابغيه لا هنت
تكفى يا بوي اليوم ويش السوايا .......شفت القهر يابوي من ناس لهم صنت
ومن اجمل القصائد التي طالبت الحاضرات بأعادتها .. قصيدة للشاعره بدرية العنزي ...
تقول فيها :
خلك بعيد ومهتني في لياليك
انسى الغرام وباقي الحب خله
من قال لك قدر وقلبي معلّيك
هذا مكانك تحت رجلي محله
وش لك بقلبن عاف حبك وطاريك
لا عاد تذكرني توكل على الله ....
وقد تطرقت الشاعره دموع اليتيمه لقصة طفل فقد والديه .. ترجمت احساسها هذه الابيات
جاني خبر افجع القلب وأبكاه .....واجرى مدامع عيون حزينه
تبكي على فيصل وترثى وتنعاه ....وبامواج دمعن تبحر سفينه
على طفل مايمحي الزمن ذكراه ..وما تختفي صورته ومبهى جبينه
وقصيدة للشاعره .. بدرية العنزي .. في النصح والحكم .. يقول مطلعها ,,
لا تشكي من جور همك وتحتار ... ما ينفع المهموم كثرة شكاويه
لا ضاق صدرك غير الدار بالديار ... الله خلق ارضٍ وسيعه صحاريه
وايضا قصيدة مدح واعتزاز من الشاعره دموع اليتيمه في قبيلتها ..يقول مطلع القصيده :
قالت من انتي قلت روقيه ... ما فهمت ..قلت اسعديه وربعي العتبان
ربعي لهم بالحق كلمه قويه ..واقوالهم يضرب لها الف حسبان
تميزت كلا من الشاعرتين بحضور قوي ورائع وجمهور متفاعل من النساء ومحبات الشعر ..
اثرن اعجاب الجميع ... والجميع على انتظار الجديد .. في امسيات قادمه ان شاء الله ..
وصيفنا صار .. في قرية مشـار ...
منها لأهل حايل .. وحضور الامسيه .. سلام وتحيه .. شاعرة تضيء سماء حائل الصافيه ... 
العرض العادي
