هذا ابو متعب زاد كل نوماس = جوده على رؤوس العوالي رقابه
خيره حشا ماله شبيه ولايقاس = اللي لفظ به في لسانه وقابه
تعبيرنا له صار مكتوم الأنفاس = خذ الحقيقة واستمع للإجابة
ابيات شعر لبدر غناه عباس = وإكليمتين لبن عامر حكابه
ما تقل في حائل شعر يرفع الرأس = وما تقل نعرف قولة يا هلابه

يا شعر جب صدق المشاعر دلايل = خذ من ضميري ياهلا ثم قلها
يا شعر عبر عن فرح كل حايل = اوادمه وجبالها مع سهلها
يا شعر رحب في عريب السلايل = اللي فتح كل القلوب اونزلها
والله نحبك حب ماله مثايل = حبك تمكن بالعقول وشمالها
وولي عهدك عاش راع الجمايل = سلطان ما تحصا فضايل كلفها

يا مشار المدلل يا مشار الحنين = أنت نفحة شعر فيك الشعور إختلج
لو يزورك معنى او يزورك حنين = لا وصل مجمع الخطين ساح وبلج
أبي ابشرك جوك اللي لك منظمين = الفرج جاك في صحبة عيال الفرج
جاك الأبلج فهد وخوانه المخلصين = نسل عبدالكريم مبطلين الحجج
ليت لو مثلهم تجار متضامنين = كان تصبح بلدنا جنة له وهج
مال ماله شعاع لصاح الآخرين = يعتبر أبكم أصقه ضرير عرج
تعتبر فال خير جهود هالغانمين = من رفع خطوته قدام يرقا الدرج

مشار يا زينك بقبضك ومشتاك = وأزين من الفصلين طيخة ربيعك
زهت بك القرية بعدة مزاياك = صارت جميلة يوم جت بالفم ريعك
خطوه بدوا فيها الفرج ترسم إخطاك =وبجنبا نشريك لا مانبيعك

احبك بالتغلي وبدلالك = وأحبك في جفاك وفي وصالك
اذا قلبي احبك صرت احبه = وأجا في قلبي ان قلبي جفالك
احبك حب ثالث وأعترفلك = بأني حبي الثالث لحالك

كل من كان عنده نقص به عنفوان = لاجل يستر خلول النقص بالزمجره
وكل من كان مغرور يحب الرهان = ويتشدق اليا غاب الذي خسره
وكل من كان متشائم يسب الزمان = يحسب انه اليا سب الزمن يقهره
وكل قاصر معرفه يحسب انه مهان = يحسب الحق له دائم وزود الشره

اهناك الماضي اللي ماأشوف الا تجاعيده =واعيش الحاضر اللي فيه نصفي لايزل ماضي
فهل مستقبلي يقطف من الحاضر عناقيده = او ان الشك ينتج شوك بوسادي ومركاضي
اشوف الميم ينفي كل شي رمت تأكيده = اغيابه به امل واليا انوجد احباط الاغراض

مشار واحد وأصبح الواحد اثنين = مبتور راسه عن مثاني امتونه
طريقه الواحد توزع طريقين =لاجوله السواح مايعرفونه
للامن حطوا حفرة بين عقمين = حنا بخير وآمنين بدونه
خلوا سواليفي معه في كتابين = ماهو بتوأم ملتصق يفصلونه

بسم الاله ابديت قافي وسميت = يالله تهدينا على الاستقامه
ابحمد اللي بحكمته يحيي الميت = من عقب ماهو باليات عضامه
ابحمد الله كل ما اصبحت وامسيت = سبحانه المعبود عالي مقامه
بأني سعودي وأحمي حمى البيت = مسلم وأخاف الله نتشي غملمه
حببت القوافي في عجل ما تونيت = بالقائد الاعلى سليل الزعامه
عبدالله ال سعود لامن تزويت = سقم الضديد اللي بحكيه غشامه
ملك ونسل ملوك وعدت واوفيت = وفي صخى طيب وكله شهامة

سلام الله على اهل الطيب كله = سلام الله على حايل واهلها
سلام الله على كل الحواتم = سلام الله على شامخ جبلها
سلام الله على اسم الطنايا = احيي لابتي مأحد جهلها

لو يميل الوقت والدنيا تمايل = مايميل من الطنايا كود عقله
دام ساس الطيب واصله وسط حايل = تلبس الناموس دقله فوق دقله

وين انت يالي غبت ماعنم منشود= تصدق انك داخل القلب ساكن
اشتاق لاسمك كل ماهبت النود = شوق الهواوي يوم غنى الاماكن
ياصاحبي طول غيابك وش الفود= اضلم علي الليل والليل داكن

الا يالله طلبتك يالهي واحد معبود = ابطلب عطفه ولطفه عضيم عالي شانه
الا يامنجي ذالنون يومه حسبت المفقود = ببطن الحوت تسبيحه ويدعي الله سبحانه
الا ياسامع دبيب نمل في صفاء الجلمود = الا يالله تساعدنا ليا جاء النفس ديانه

ياجاش دام الواحد المعبود من جزله عطاك = تعال قوم العب تفنن قال انا كلي الك
اعزف من اجل ماتكنه واشعل الساحه معاك = لك باع بين اهل القوافي اشعل الليل الحلك
اول بدايتها التحيه قلت يسعدلي مساك = ويسعد مساء الموجود واللي كن به هيبه ملك

ياعطيش ماضيعني كود سود العيون = اللي هدبها تثنى كنها صف جيش
الفاتنه في نواعسها تجيب الجنون = اضيع لاغضت هدبها سلهمت في شويش
بعيونها يالسنافي شي يجذب فتون = من صابته في سهمها ماتوقع يعيش

يسعد صباح اللي سكن في جبل طي = ابو عيون ناعسات جميله
ابو خدود تشبه للمعه الضي = هي فاتنه هي غاليه هي اصيله
هي ماس هي ياقوت هي شمعة الحي = لاضقت اناديها انا كل ليله

قال منهو لاغفى الناس جفنه ماغفا = يلعب الهاجوس في خافقة عدة سنين
الصواب بخافقه عطب والله ما شفا = شي موجع شي غامض ولاهي باليدين
السوالف عوج والموجعه صاحب وفا = عايش في ليل اضلم بكلتا الحالتين

بالله خذ قلبي معك ما احتاجه = عطني همومك وانت شيل همومي
صاحبك في شوفك يفل حجاجه = لوهي بكيفي كنت اشوفك يومي
دامك مع محمد بكل انتاجه = انا معك دايم بحلو علومي

الليل قفى ياجودي واقبل الصبح = والنفس من زود الهواجيس ملت
والوقت قاسي والسبب حضي القبح = وعيني من الاحزان ياخوي كلت
ياللي سألت اليوم عن قصة الذبح = الموت لامن ساعه الياس حلت

ياصاحبي خلك معي دام الزمن كله اذى = خلك بصفي ياقلم لاتبتعد عني بعيد
محتاجلك بيجت سدي دام جاشي لك غذى = شف صاحبك في هالحياه القاسيه ماهو سعيد
خذي من الدنيا حزنه وهمه خذي = ياس وعنا معها شقا ماذا بقي هل من مزيد

اعاني والسبب قسوة زماني = ونفس ضايقه تبغا وطنها
خذلني حظي وذيك الاماني = وغلطتنا نبي ندفع ثمنها
الا ياغاليه حبه دعاني = وحايل ياهني منهو سكنها

من جاك عاني طالك لاتردة = قلة هلا خل العتب والمشاريه
تراة من حايل عنالك لجدة = قدم غلاك لمن تحبة وتغلية
بهر دلالك بالغلا والموده = سق له فناجيل الوله وامسك ايدية

جتني اليوم تسأل عن سبب صدنا = نسيت انه سبايب كل شي يصير
قلت جيتي هلابك واسمعي ردنا = اشربي قهوتك والدمع مافيه خير
كنت وانتي بعد كنتي ومن قدنا = كنت غيمة وفا يابنت وانتي غدير

اه ياخمس الاماني كل يوم تراودني = تجمعين خيوط الامل والمستحيل
خمس اماني خمس اماني والله انه لو تجيني = لصبح اسعد شخص واهنا بالمبات وبالمقيل
اولا : منهو تركني مع دموعي وسنتيني = ماتركلي غير ذكر ينبعث به ريح هيل

سلام الله عليكم يالحضور وللقصيد حضور = سلام الله على من زادني تشريف بحضورة
انا ماابحث عن الشهره ولكن من يعاف النور = وغاية مطلب الشاعر ينال اعجاب جمهورة
انا عندي لكم شي جديد وعندي المخبور= وانا تحت امركم قدامكم بالصوت والصورة

ذكر الولي يسبق جميع العناوين = ومن بعد ذكر الله بقول انطباعي
ماقلت من وين ما ابتدي وانتهي وين = وانا اجمع الازهار من فكر واعي
يادولة البيتين يانصرت الدين = خوذي غلاي برغبتي واقتناعي

يسعد صباحك ياوكيل الوزارة = صباحك احلا من شذاء الورد والهيل
مني عبارات السلام بحرارة = تنساق سوق الكيف وسط الفناجيل
من دلة للكيف يبرق صفاره = تنحط لاصحاب السعادة معاميل

ياجماعه سامحوني ماتحاليت السكوت = والسكوت ان جاوز المعقول ينذر بالكابه
والله اني ماتحاليت المنصه والبشوت = خص في بعض المواقف والرجل يملا ثيابه
والرجال اللي تميز بين صوت وبين صوت = شي طبيعي يفهمون ان العوا صوت الذيابة

استاذنك واتوجك بالعذر لين اقصى مداك = ملزوم اهاجر واتركك من شان تاخذ راحتك
كنت اتغزل بك لله وله لله وان قلت لي يسعد مساك = سيلت لك نبع الوفا واثمر غلاي بساحتك
وكانت بلابل لهفتي لاغردت تملا فضاك = كانت ليا حست ضما تجمعت واجتاحك

عسى الله يسعد ايامك ياعامر والله يهنيك = عسى ايامك فرح والضحك يسكن دوم بشفاتك
لانك شخص تستاهل يقول واحد يغليك = وغلاي لشخصك الفاضل نبع من طيب عاداتك
انا اقدر شعورك ناحية شخصي واقدر فيك = سؤالك عني الدايم بروحاتك وجياتك