السلام عليكم ورحمة الله وبركاته

الحقيقة حبيت أنقل لكم موضوع ويمكن لو تقرونه راح تلاقونه باللهجة العامية ،،،

اللي أثارني بالموضوع هو اقتناع الناس بالحوبة بشكل خاطئ

أترككم مع الموضوع :


هاذي حوبتي .. الله ما يرضى
(( اللهجـــة عامي على فصحى ...اسم حولنا ))
السلام عليكم جميعا ،،
الحوبة كلمة كويتية وعلى حد علمي خليجية أيضا .. وتعني ان الشخص عندما يقوم بظلم شخص آخر بأي شكل من الاشكال او عمله مصيبة أو طيحه في مشكله ..

الحوبة تلحقه حتى يعاقب على فعلته .. بمعنه اللي يظلم واللي يسبب المشاكل للناس سواء معنويا وماديا الله راح ينتقم منه حتى لو كان آخر يوم بعمره ..

الحوبة .. ترى تخرع .. وناس وايد يخافون منها .. لدرجة إنه يتأسف ويتسامح ويكره اليوم اللي غلط في ويطلب انه الشخص يعفو ويصفح عنه بس علشان ينجو من الحوبة ...

محد أحسن من أحد الكل ياخذ نصيبة وإذا مو بالدنيا بالآخرة إن شاء الله ..

هل تخاف من الحوبه ؟ هل تعمل حساب الآخره والعذاب ؟ هل لديك ضمير ؟ هل تضع نفسك دائما مكان الناس حتى تستطيع استيعاب مشاكلهم وأزماتهم ؟

عندما يغلط عليك أحد او يحطك بمشكلة ممكن تقول الله يسامحك انك تاخذ من حسناته ..لانك صفحت عنه والله يأجر على هالكلمتين .. أو ممكن تقول الله ينتقم منك .. أو ربي يشوف فيك يوم ..

ترى هالكلام مو شوية ... يعني اللي يظلم واللي ما عنده ضمير شلون ما يحس في هالشي ولا يؤنبه ضميره !!

شلون ممكن يعيش حياته يعني سبحان الله إذا مو فيه في اهله في أي شخص منه قريب علشان راح يتعذب ويحس أكثر ...

شلون الأنسان ممكن يكون على هيئة شيطان سبحان الله ..
ممكن يكون طمع ؟ أو سوء تربية ؟ أو عدم مبالاة ؟ أو مكابرة
يعني مثلا الشخص يسوي شي حتى لو غلط ويؤمن ومقتنع بأنه اللي سواء كان صح
... فيكابر ويصر والناس أنواع:::

النوع الاول
قلبه أبيض.. ممكن مع الوقت يحس بغلطته ويتأسف أو أحد يحاول يصلح بينهم ويحاول يعدل الوضع ...
النوع الثاني
قلبه أسود .. انه يظل مكابر لين سبحان الله يطيح موقف خلاص ما يلاقي أحد يمه..
دايما الناس تقول " الظالم سالم " أو "الطيب مأكول حقه" لكن هذا كلا محسوب بيوم القيامة ...
إذا الظالم سلم فهذا .... عقاب من الله لأنه عاش وزاد فساد وظلم وكلا بميزان سيئاته..
وإذا الطيب كلوا حقه ... سيعوض بإذن الله بالقيامة .. ويكون في ميزان حسناته .
وفي ناس من كثر ما أهمه طيبين يطوفون ويسامحون الشخص.. ودايما يحطونله مبررات .. وأنه كان مضطر ..
وفي ناس تروح .. وتزيد الوضع سوء وترد الصاع صاعين .. وهذا غلط ..
الانسان يعالج المشكلة مو يعالج الغلط بغلط !!
إذا الشخص كان سيء ليش الانسان يوصل نفسه لمثل المستوى الدنيء !
بالعكس لازم يكون أرفع منه .. والله بأذنه راح ياخذ حقه ..ويعوضه ..
وياما سمعنا قصص وعبر عن ناس ظلموا وأذوا وسرقوا وضروا ناس ... وشافوها بالدنيا ..
اتمنى .. إن القلوب تصفى .. والضمير يحي .. وأن محد يكون بقلبه شي على أحد ..

قال رسول الله – صلى الله عليه وسلم- " تهادوا.. تحابوا"
والشخص قبل لا يسوي شي يفكر مليون مره بفعله و شنو ممكن يمس أو يضر..
وترى كل شي مؤقت يمكن الظالم يفرح ويفرح بس بالاخر خلاص ما يبقاله شي ولا حتى صدر يضمه أوشخص يسمعله ..
اتمنالكم التوفيق....وإلى اللقاء

منقول





تعليقي على ما نُقل :

لما اقول لشخص هذه حوبتي او لما نقول عن شخص هذه حوبة فلان

هل هذه تزكية للنفس او الشخص ؟؟

كيف علمت أن هذه العقوبة بسببي او بسبب فلان ؟

أنا أفضل قول هذا بذنبه او ذنبها ويعفو عن كثير لكن ما احدد الخطأ الذي وقع له الذنب بسببه

او نقول مثلا كفارة إذا كان الشخص طيب ونحسبه كذلك والله حسيبه

منقول لكم

مشكور مشرفنا

على المرور الطيب

يعطيك العافيه أختي على النقل الرائع

تحيااااااتي لكِ...

الله يعطيــكـ العافية اختـــي ..


الحــوبة هي دعـوة المظلوم بـ إختصـــار << هذا الي انا اشـــوفة




تشكــــــــــرات لكـ ..

شكراً على هذا النقل الرااائع
وعلى الدوم أن شا الله
تقبلي تحياتي