أقدر أكتب لك بالهدد كم ديوان = والجمس وعلوم البدو وقصة الذيب!
بس ماأجيب شيٍ جديدٍ ياسلطان = وشو له اكتب دامني ماأقدر اجيب؟؟!
فكرت ويش أكتب وحطيت عنوان = وناظرت له ساعات والوضع تدريب
قلت الهوى تكتب به الانس والجان = وانا حبيبي صوّب القلب تصويب
له رمش ياسلطان يجلد به احيان = وأحيان يمسح به على الجرح ويطيب
الرمش ابن الكلب مرسول شيطان = رماح فيها الحقد سود معاطيب
لامنها صدت عليك أمن وامان = ولامنها لدّت تحوس المكاتيب
انا عزيز القوم..من رمش انهان؟ = أطيح من طولي على ريحة الطيب؟؟
يابنت أنا انسان لي قلب الانسان = طيفك محاصرني حصار بترتيب!
لو رحت مدري وين! يادعج الأعيان= أشوفك قبالي...سوالف مصاويب!
البارحة غبتي....وغنيت بألحان = (لو تغيب الدنيا....عمرك ماتغيب)
" الرمش " 
العرض العادي
