--------------------------------------------------------------------------------




أمراة شمرية من حائل ضاقت عليها بعد ان سجن زوجها في قضية وتركها مع سبعة اطفال لاتعرف كيف توفر لهم مصاريف حياة تتطلب كل يوم شئ جديد

وجهت قصيدتها الى الامير سعود بن عبدالمحسن أمير منطقة حائل ليجمع شمل الاطفال مع ابيهم وترتاح هي من هم توفير قوتهم ومعيشتهم

لاأعرف هل استجاب الامير طلبها ، ولكن قد يكون لانتشار قصيدتها بين الناس اثر ايجابي في تحقيق امنيتها






أبدا بذكر الله على كل الاحوال 00الواحد اللي عالم بالخفيه
هو خير مبد الفعايل والاقوال 00وكيلي المعبود رب البريه
تقوله اللي هاضها سبعة اطفال 00وظروف قشرا واكتئاب وأذيه
هذا يصيح وذا يبي ثوب وعقال 00وهذا بعد يبكي علشان خيه
وهذا يبي شنطه وهذا يبي ريال 00وهذا من الحرمان يفرك يديه
وانا بعد شفت المشاكل والاهوال 00من عقب ابوهم يوم طاح بقضيه
اصبحت انا ابوهم وانا العم والخال 00وعلى الصبر ماعاد بي مقدريه
لا شك ابنخا من هل الجود رجّال 00راع العلوم اللي عزومه قويه
شيخ ولد شيخ الى قال فعال 00يامر وينهى مايهاب المنيه
اميرنا اللي صار للمس آمال 00سعود راع الجود راع الحميه
ابن عبدالمحسن من مواريث الابطال00اهدى لحايل وحايل له هديه
من ربنا مهد لنا طيب الفال 00عون من الله لاهل حايل سويه
ابوفهد ماراح لو شد الارحال 00دام ان بقلب سعود حايل حظيه
كفو لها وللثقيلات شيال 00صان الامانه والتزم بالوصيه
والحكم ماهو للهلابيس الارذال00اهل العلوم الخايبات الرديه
الحكم يبغاله صناديد ورجال 00وافعال تزهاها عقول ذكيه
وسعود ماجانا على القيل والقال00الا وفعله صار له قابليه
السعد بقدومه غمر كل الاجيال 00طلة عريب الساس طله بهيه
سديد الراي مامشى بشور جهال 00ماقال من هذا وهات الهويه
والناس كل له مقياس ومكيال 00والخير يجزى خير والسي سيه
والعفو نوب يصير للحاكم اعدال 00والعفو اخيره عفو مع مقدريه
ومااحد ترى معصوم لو قال ماقال 00الجنه آدم فارقه من خطيه
يامير ياللي لصعيبات حلال 00الطف على اللي في حياته شقيه
عن زوجها حده خفارات واقفال00ومشاكل واحزان نفس أبيه
دايم وهي دمعه على الخد سيال 00من عقب مااقفوا به على غير جيه
من له ثلاث سنين اقفى ولا زال 00مسجون وحنا بسجن يامير زيه
واكبر بلا شفت انا بعض الاطفال 00يناحون لاطفالي على كل هيه
قلت آه وهمومي كثيرات وثقال 00تطوي بحالي طية بثر طيه
احد غداله والده شمس وظلال 00واخر حزين من سبب فقد بيه
واللي حرق قلبي وسبب لي هبال00لا طروا عن ابوهم واسألوا عن مجيه
يامير شف والطف وخفف عن الحال 00وارحم وحقق طلبة شمريه
اشفق على اللي صبرهاالحنظلي طال 00وعيون تبكي كل صبح وعشيه
بعد الولي بامرك ترى راحة البال 00ارجوك تنهي مابدا من اسيه
توقيع من يمناك به خير الابدال 00يقلب حياة الويل عيشه هنيه
ودام ان ابونا تاب عن ذيك الافعال 00توبه نصوح تاب عن حسن نيه
من عفوكم نطمع على عفو ينزال 00به ربع حكمه وتنتهي هالقضيه
ويش عاد بالقران نص الحكم زال 00اللي بقى يامير كايد عليه
ادخل على اللي له عطيات وجزال 00الهادي الغفار جزل العطيه
هو ملجاي ثم التجي لك بالامثال 00وانخاك نخوة أم بك مرتجيه
نخوه تهز جبال حايل والاسهال 00من قلب مجروح بصدر اسلميه
وصلاة ربي اعداد ماهل همال 00على النبي واعداد خلق الوطيه


هل من تعليق على ما خطه قلب وفكر هذه الأم المجروحه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هلا بطاري شمر

سلمتي على الطرح

الله يجمعهم على خير

مشكور
وماعليك زود يالطيب

قصيده مؤثرة فعلن



تسلم يداك على الطرح

نسأل الله عز وجل إن يجمع شملهم ويآلف بينهم

تحياتي لك