قصيده جديده ومصافحه ثانيه لأعضاء ومشرفي المنتدى
يافكـر هـات مـن العناويـن عـنـوان=واكتـب جـزيـل الشـعـر لمتابعيـنـه
راع الكـلام الزيـن واحـذر لـلاوزان=والقـاف لا ترميـه مـن كــل عيـنـه
ادخل على الله بيـض الوجـه يـا فـلان=و تكفـى تمـرك بيـن حينـه وحيـنـه
من كثـر فزاتـك حسبـت انـك انسـان=احسبـك قـدمـي والعـنـا قاسميـنـه
ابطلـبـك يالفـكـر ترتـيـب قيـفـان=ابغـى المعانـي والمقـاصـد حسيـنـه
هات القصيد الزيـن والزيـن لـه شـان=شـانـه كبـيـر وكـلـنـا منتـويـنـه
يا فكر هـات الزيـن مـن كـل ميـدان=غص بالبحـور و جـب كنـوز ٍ ثمينـه
ابتـفـنـن بالقـصـايـد و الالـحــان=و العب علـى المسحـوب يـا مدورينـه
يا مدوريـن الشعـر مانـي ( سليمـان )=مانـي ابـن مانـع و لانــي قريـنـه
ولاني ( سعد علوش) و(حامد) و( ضيدان)=و لاني بعد (فيصل ) و ( تركي الفينـه )
أنـا رفيـق الشعـر و الوانـي الــوان=متـعـدد الالــوان يــا معـدديـنـه
شاعر وشعـري لـي محـل ٍ و مسكـان=كـل بيـت وسطـه لـه علاقـه متينـه
وان قلت انا يا شعر حـان السفـر حـان=مـا كنـه إلا وسـط بـحـره سفيـنـه
تهـزه الامـواج مـن فـوق الامـتـان=و مـن نشوتـه مـا تسمـع إلا المكينـه
يقطع بحور و ينصـف المـوج نصفـان=و يا صـل محـلات الحـروف الرهينـه
و ما كـاد شـي ٍ مـن معاويقهـا هـان=نجمـع حـروف الشعـر سـر وسكينـه
رهايـن ٍ مـا هـي بسراديـب الاسبـان=ولاهيـب عنـد اهـل القلـوب اللعيـنـه
رهايـن ٍ لهـا سجـن وسـط الاذهــان=بالصـدر تسمـع حنتـه مــع ونيـنـه
احيان اصابر و اصطبر بعـض الاحيـان=و احيـان اجاوبـه بصيـحـه حزيـنـه
حـروف شعـر ٍ للمـلا عشقهـا بــان=بــان القصـيـد وللـمـلا مبينـيـنـه
يـنـزل قصـيـدي للمعالـيـق هـتـان=يكتـب كتـابـه ثــم يسـمـع رنيـنـه
يسقي جـذور ٍ غصنهـا قبـل وش كـان=عقـب القحـط يـا كثرهـم قـا طنينـه
واللي بغـى شعـري للاشعـار فرسـان=يبشـر بشـعـري و يتكـيـف بزيـنـه
والشعر مبـدأ و احتسـاب ولـه اركـان=يـا كاتبيـن الشعـر عـرقـت يديـنـه
لا بـد مايـوزن علـى كــل مـيـزان=ثـم يحكمـه بالوقـت عرقـه و ديـنـه
ليا حـرك عقـول البشـر قبـل الابـدان=هذا هو الشعر المسـمـى بعيـنـه
وسلامتكم
ماني سعد علوش وحامد وضيدان 
العرض العادي
