ياضاق صدري وأشتهيت التعاليل = شبيـت ولا رحـت يـم النشامـا
زحول الرجال الغافلين الحلاحيـل = اهل الشرف وهل الوفاء والشهاما
حديثهم يشفي القلـوب المغاليـل = وطب النفوس ألي طواها الهيامـا
اي والله أغلي كاسبيـن التنافيـل = ولهم في قلبي حشمة(ن) وأحتراما
واشوم عن ألي مهنته قايل وقيـل = راع النقيلـي عايشـن بالحرامـا
يفرح بعلم الشـر ويـزود القيـل = مابين ظن وشك جـاب الكلامـا
وكل الرجال يتشابهوا بالازاويـل = والفرق واضح كالنهـار وظلامـا
رجل كما الصندوق عنبر معه هيل = ورجـل درام يكرمـون النشامـا
صلو عدد ماسامر الجدي لسهيـل = بروق تلاعج في جنـاح الظلامـا
على النبي اعداد ماعسس الليـل = ازكى تحيـه والختـام السلامـا