قالوا تهوجس واعسى ماخلافي =ياعل مانتب شـــايف بعــض الانكاف
ياعل مابان العناء والتجافي =ترا النكايف عــقـب الاقبال تنـــــعاف
قلت ابدي المكنون وما كان خافى= اللـى بصــدرى يلزمه عــرف عـــراف
وش رايكم بهل العقول النظافى= لاشفت مــن بعض الايــام الاجـحـاف
وجه المرافق والمغواة صافى =هي متعة السواح مع ذيك الاطــراف
شف الحبيبة لبست الزين ضافي= حايل تباهت وارتــدت كــل الاصــناف
شفت الشوارع و الخطوط الكلافي =تزخرفت بنخـــــيل وانــوار كــشــاف
كل المدن نالت بصيبه انصافي =اسفــلت وأشــجار علي حـد الاكتاف
هذا بفضل اللي الي قال يافي =متــعب أبــــو منصور للخــير وقــــاف
اللي بتشجيعه لنا والاشراف =نعمــل طــول الليل مــا نقـول ذاكاف
يا عل عمره سالم ومتعافي =بحــق مــن نـــزل تبــارك والاحــقـاف
و الشكر والتقدير ما هوب كافي= يستاهله راع الــوفاء راس الاشــراف
اللي بتوجيه بلغنا المطافي= سعود أبو فيصل سماء فوق الاعراف
اللي وقف بالجد ماهوب خافي =الشــكــر يرفـــع لــه رأس مشــراف
والنايب اللي بالمهمات شافي =بالحزم هو و العــزم والجــود عساف
رايه سديد مايقوله اجزافى= صحيح ما صــاب الـهــدف كود هداف
او يستاهلون الجهد ربع اظرافي =كسابة النامــوس من عهد الاسلاف
احفاد حاتم قربهم ما يعافي= امـبـاشـرين الـــضيف ابن او منساف
ولانى بحال اللي جداة التشافي= اللي على الحروه على الطبل رجـاف
خله يلط امن الاذى والعذافي =يمــوت في غــبنة و للشين وكــــاف
ابلادنا تنعم بخير وعوافي ا=بفضل السعود اللي كما الغيث وكاف
من عهد شيخ أمنه بالرهافي =وبالحلم هو والــعـلم وبالسيف قصاف
اوراع الانسانية افعوله تشافي= كم بحاجه للشـعــــب ولت بالانكــاف
هذاك عبد الله له الحب وافي= قـــلـوب شـعبه بالـمحـبـة لــه اوجاف
ابو اليتامي والثكالا الضعافي= ماجــور يا دمــع عــلى الــخــــد ذراف
او سلطان ريف اللي له الوقت جافي =يمناه فى رفـــد الامقــلين مـعـطـاف
يسلم ابو خالد كبير المضافي= بــحـــر النداء ما ينزحه غــرف غـــراف
امعيش الارامل والبيوت الهوافي= فى ضف سلطان الوفـاء زبن من خاف
وصلاة ربي عد من غط غافي =اعـــداد ما دار الهـــــواء غصن غرياف
على النبى اعداد ما ذر سافى= والاهل والاصـــــحاب اعداد من طاف