مشب سـلـمـى ،، حـيّــاكم يــالأجاويـــد ...!!! - الصفحة 2

قـائـمـة الأوسـمـة · 03-Oct-2007

مشب عامر إن شاءالله

الله يعطيكـ العافية على الفكرة الرااااائعة

وإن شاءالله إني أكون من المتابعين للمشب

ومشكورة على السالفة

وهناكـ إقتراح بعد إذنكـ

أنه سيكون هناك سوالف راااائعة كسالفة القهوة التي كتبتيها

ومن الظلم أن لاتكون في موضوع مستقل

أقترح أن تكتب السالفة في موضوع مستقل ويوضع رابط الموضوع هنا برد

وأنتي صاحبة الفكرة

ونحن على إستعداد على فتح قسم خاص لسوالف التراثية الجميلة

لأنه من الظلم أن نحجم مواضيع رااائدة في موضوع واحد

والسلام عليكم ورحمة الله وبركاته

قـائـمـة الأوسـمـة · 03-Oct-2007

اختي سلمى الله يعطيك العافيه على المشب

هذه قصة قديمه جرت على شخص اسمة عبدالله بن مفرح الدوسري الملقب (بالشمالي)اصيب يوم بمرض الجدري ولزم الفراش حوالي شهرين وكانت ناقته اسمها( الهدية) قد حست بغياب صاحبها ودائماً تجي يم بيت الشعر وترفع رواق البيت براسها وتطالعه وتحن وبعد مدة توفي صاحبها فصارت الناقة كل ماوردت تجي الى البيت وتنهض الرواق براسها ولاتجده ثم تسري فسارت ابنته ساره تعقلها حتى لاتسري في الليل ومضى نصف شهر وهي " تهجرع"بالحنين وكان عندهم جاراسمه حصيبان وفي ليله من الليالي توقظ وهي "تهجرع" بالحنين عند مشب النار وهاضت قريحته بأبيات طويله من الشعرمنها يقول:

مل قلب هيضه حس الهديه
هجرعت بالصوت من عقب الشمالي
ياذلول القرم حماي الرديه
اصبري عقبه على سقــم الليالي
ذكرت بالحب من عينه شقيه
ذاكــر في نجـد خــلان وغـــالي
عقب فقده ماتوالف للرعيه
تطــرده ساره على روس المفالي
عزتي للقرم حطوله بنيه
عـزتي للقرم مـن قبر هيـــالي
عادته بالكون يثني للرديه
ينسم الحفيات ريــف للهــزالي

03-Oct-2007

مجلس عامر وفكرة فريده ونورتينا بالعلوم الغانمه ..
ماشاء الله تبارك الله ... عنكـ علوم طيبهـ

سجلي متابع للمشب كل عصرية

قـائـمـة الأوسـمـة · 04-Oct-2007

اقتباس:

المشاركة الأصلية كتبت بواسطة لهيب

جعلة مشب ومجلس عامر انشالله
ومشكورة على هالفكرية الجميلة
وانشالله انة تفيد الاعضاء بالقصص والقصيد
الماضي والحاضر بنفس الوقت
و يكون عامر باعضائة
ووفقكم الله
وتم تثبت الموضوع

ياهلا بــ لهيب

يالله حيّه وابقه يسعد بك راعي المشب قبل دلاله ؟! ....

والنعم بك يا أخوي ،، والنعم فيك يالعزوة

مير إننا ماخذينا منك لا سالفة ولا قصيدة ،، نبي الكل هنا يقول ماعندوه

من القصيد والقصص لاجل الكل يستفيد ويعرف عن ماضي اجدادنا الأصيل

وخصوصاً عن تراث حايل ،، وعموماً عن تراث شبة الجزيرة كله

وأنا من عندي إبشروا بقصص وسوالف أهل الشمال .

لاجل الكلام يصير بوه اخذ وعطا

إن كان بالنهار ولا كانت تعليلة بهاللليل ...

لهيب

سم ،، وهذا الفنجال متهاوشن زعفرانه وشمطريه ؟!

ولأن المشاركة الأولى بالمشب شمالية بحته ،، دونك

هذي قصيدة للشاعر " خالد بن كليب الرويلي وهو من عنزة " يقول به "

لاجل الشمال وريحة الطيب والهيل
* * * * * * * * * * حتى اتجاه البوصلـة جـا شمالـي

مدري عشق بافعالنا فزعة الخيـل
* * * * * * * * * *مدري عشق فينا صعـود المعالـي

مدري عشـق فنجالنـا والتعاليـل
* * * * * * * * * * او عشقه اكبر من مساحة خيالـي

او لاجل [شمر] متعبيـن المعاميـل
* * * * * * * * * * او [لعنزة] مـن دار غالـي لغالـي

او لاجل ربعي فزعتي عزوة [رويل]
* * * * * * * * * * خمس الجموع ومحتميـن التوالـي

كذا اتجـاه البوصلـة دون تحليـل
* * * * * * * * * * بـس الاكيـد ان اختيـاره مثـالـي

دار الشمال وعدلها يسبـق الميـل
* * * * * * * * ومن شانها اعشق من هبالي هبالي

دارٍ تغنـي فـي كرمهـا مواويـل
* * * * * * * * وطيبٍ يفوح بــبـــوح صفـر الدلالـي

ولاجل الشمال وريحة الطيب والهيل
* * * * * * * * * *افخـر اذا قِيـل انتمائـي شمالـي

خالد بن كليب الرويلي

وسلامتكم .....

=======

قـائـمـة الأوسـمـة · 04-Oct-2007

اقتباس:

المشاركة الأصلية كتبت بواسطة عارف السلمان

مجلس عامر وفكرة فريده ونورتينا بالعلوم الغانمه ..
ماشاء الله تبارك الله ملمه بالسوالف
سجلي متابع للمشب

الله حي من جانا ،، حيّاك اخوي عارف على دلال الغلا وقدوع المودة

يعطيك العافيه يالأجودي ،، وكل ما حصل لك يالقرم ،،

مُر عطنا اخبارك ورد عنا اخبارنا ؟!

ترى التعاليل ماتحلى إلا بالسوالف والقصيد وانا اختك ..

وهلابك ياابن الأكرام

مني لأعز الناس حلو التراحيب
* * * * * * * * * مضمونها تقدير من قلب وصافي

سلام يا صاحب الوفا والمواجيب
* * * * * * * * * ســـلام ياقـــلب مع الناس وافي

فنجال ما يضرك مهو معطلك يالأجودي ؟!

سمّ تقهوي يا أخوي عارف ،، ....

ودونك هالفنجال "

للشاعره جاذبيه ،، جذبتن ابياته يوم قريته "

مـدام كفّـي بالعطـايـا محـنّـا

* * * * * * * * * * ماآخون معطيني ولاآخون حنّـاي

واللي عطانـي بـس مـرّه وثنّـا

* * * * * * * * * * أعطيه ماآحسّب لكثـرة عطايـاي

كثر العطـا لا جـاه منّـا ومنّـا

* * * * * * * * * * يحتار في رد الجمايـل لشـرواي

وأنا عطيتـك مـن قبـل لا اتّمنّـا

* * * * * * * * *لين ازعلت يسراي من طيب يمناي

الجـود فـنٍ فيـه طبعـي تغنّـا

* * * * * * * * * *ولا طربت لعازف العود والنـاي

أقصر خطاوي من عشانـي تعنّـا

* * * * * * من قبل يمشي لي تسابق له اخطاي

لو هو بعيـدٍ عـن معالـم وطنّـا

* * * * * * * احسّه اقرب لي من دماي لأعضاي

أرتاح في قـرب الوفـي وآتهنّـا

* * * * * * * * * ولاآدوّر الاّ ارضاه من بعد مولاي

وسلامتكم

وحيّاك الله يااخوي عارف السلمان

وحنــّـا طوّل الله اعماركم ترى ما اندّور إلا على الرضا ،،

اللي هو منات النفس وطلابه .....

قـائـمـة الأوسـمـة · 04-Oct-2007

اقتباس:

المشاركة الأصلية كتبت بواسطة فرحان الضبعان

مشب عامر إن شاء الله ... ولك الشكر على هالموضوع يا اختي

ياهلا والله بأخوي / فرحان الضبعان

هلا بهالجـيـــّه اللي تسعد النفس وتسرّه ،،

مثلك يالطيب سعد لكل من تجيه وتمرُه .....

ونفرح إليا مرّوا علينا الأجاويد مثلك وشرواك .....

ويومك جيت ،، وخوا الراس يقنده الهيل ،،

ابشر بهالقصيده المهيله بالحكمة ؟!

لا طار طيرك بالسمـا لا تفاخـر

* * * * * * * * * * والطير ما كـل الهبايـب تسـرّه

عمر البحر ما هاب كبر البواخـر

* * * * * * * * * وابليس عمره ما كفى الناس شـرّه

إن كان بحرك بالجزيلات زاخـر

* * * * * * * * * غيرك مَلَك بحره .. وجوّه .. وبرّه

وإن كان مجلاسك على بساط فاخر

* * * ** * * * * * * لا بد مـا سـود الليالـي تجـرّه

يا الشاعراللي من هَكَالجيل ساخر

* * * * * * * * * * اللـي قصيـده بالمجـلاّت غـرّه

الجيل الأول (مدرسـه) للأواخـر

* * * * * * * * و وهُم موطن إبداع القصيد ومقرّه

لكن كلامك يكشف الوجه الآخَـر

* * * * * * * * * للحاقد اللـي تشتعـل فيـه حـرّه

ما يستوي بالصف الأوّل والآخِـر

* * * * * * * * * * واللـي عَـرَف قـدره فللـه درّه

يا شاعرٍ بفراش وهمـه يشاخـر

* * * * * * * * * أصحى .. ترى تفّاحة الوقت مُرّه

غيرك يجود بطيبته وانـت ذاخـر

* * * * * * * * * *ودرب التواضع خطوتك ما تمـرّه

تواضع .. اترك رافعين المناخـر

* * * * * * * * * * * وثوبٍ يضيّـق منسمـك لا تـزرّه

روس المشايـخ تنحنـي للمباخـر

* * * * * * * * * * ولا انقصت من هيبة الشيـخ ذرّه

وسلامتكم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق عرض الموضوع
العرض العادي الانتقال إلى العرض المتطور الانتقال إلى العرض الشجري