اقتباس:
المشاركة الأصلية كتبت بواسطة بعيد الأمل
 من ضمن الشبة
تشاااااااااو |
بعيد الأمل
الله حيّوه
ماغير نسعد لامرّوا الأجواد علينا
ويظهر إنوه جازت لك قهوتنا ،،
والقصيد بهاره ،، اللي مالنا غناتن عنه
والشبّه ماتحلى إلا بك طال عمرك ....
ودونك الفنجال ياعشير النشامىىىى ،، من قهوة ٍ مهيلة ما تسوّت إلا لك "
تسمع اكيد عن البصري الوضيحي وهذا الرجال إخيذه بالغزل حتى ان اشتهر امره بالجزيرة كله
يقولك يوم كبر بالسن وحب انه يتوب طلب من ولده الحج
ويوم حج وهو بالطواف شاف بنت بن ربيعان العتيبي يوم جاء بصري يبي يقبل الحجر الاسود
يامار بنت بن ربيعان قريبه له وهو يحبه على خده بدال الحجر
قالت بنت بن ربيعان " ياملا العمى انشالله حج يالشايب حج ...
فقصد قصيده عقبه يقول:
التايه اللي جـاب بصـري يقنـه
* * * * * * * * * * جد د جروح العُوّد و العُوّد قاضي
جينـا نحـب ونطلـب الله جنـه
* * * * * * * * * * * * جنة نعيمٍ يـوم يابـس الحاضـي
ياليت كانـت حبتـي فـي معنـه
* * * * * * * * * * يوم العيون عن الخوامل غواضي
يامن يعاوني على وصـف كنـه
* * * * * * * * * * *اشقح شقاح ولاهـقٍ بالبياضـي
و الخد ذابـوح القلـوب المرنـه
* * * * * * * * * * * *براق مزنٍ لاعـج ألـون ياضـي
ياليت لو سني على وقـم سنـه
* * * * * * * * * * *بايام ما بينـي وبينـه بغاضـي
واين انت يا مشفي على طردهنه
* * * * * * * * * انا طويت ارشاي واقفيت قاضـي
أحدٍ يطيـح بنـار وأحـدٍ بجنـه
* * * * * * * * * وترى الحظيظ اللي له الرب راضي
هم زين فطن أنه حاج ....
ويوم رجع لربعه قالو وش سويت بالحج يابصري قال:
ياليتنـا مـن حجنـا سالمينـا
* * * * * * * * * * كان الذنوب اللي علينا خفيفـات
رحنا نبي نخفف ذنـوب علينـا
* * * * * * * * * * وجينا وعليها كثرها عشر مرات
وياكثرهم الهواوية هالايام ،، مير الزمان يتبدّل واتبدّل معه سلومه
العرض العادي
