ماتصلت وغايتي بس احاكيـك
ياحسرتي القى معـك خـط ثانـي
ادق رقمك بآخـر الليـل ناصيـك
والقى "انتظـار" وليتهـا بالثوانـي
يوم انت تغليني وانا حيـل مغليـك
مايشتكـي الجـوال الا عشـانـي
لعبت باعصابي وانا واثـق ٍ فيـك
قلي ان كانك جبـت واحـد مكانـي
اما معي تبقـى او انـي بجافيـك
يعنـي كـذا والا كـذا يالانـانـي
عليت روحي معك ياهيك او هيـك
واليا قطعت الوصل تبغـى حنانـي
ابيـك لكنـك علـى كثـر مابيـك
فكرك معي المقفين شيّـب زمانـي
قلي من تحاكي ؟وانا اوعدك اراعيك
بس انـت قلـي لاتحطـم كيانـي
وان كنت ناوي الصد ربي يجازيك
وكانك تعاني حتى انا منك اعانـي
ماكنت تسمع غيـر ابشـر ولبيـك
حتى معاي انهيـت كـل الامانـي
اصدق معي بالقـول ربـي يخليـك
قلي من اللي صـار فجـأه مكانـي
واوعدك مايلفظ لسانـي بطاريـك
والى ذكرتك يـوم اقطـع لسانـي
ادق رقمك بآخر الليل ناصيك.. والقى انتظار وليتها بالثواني!!!! 
العرض العادي
