بشروه إني أبرحل مـن حياتـه
...........بشروه وفرحـوا فينـي ذويـه
كفنوا جسمي بماضـي ذكرياتـه
...........ادفنونـي فالمكـان اللـي يبيـه
اطلبو منّـه إذا خلّـص صلاتـه
.........فوق لحدي يحمله براحـة يديـه
و لي وصل قبري وحقق له مناته
...........يدفن انسان يحبه يمـوت فيـه
علموه إني وربـي مـن غلاتـه
..........أعشق ترابٍ مشت رجله عليـه
حلفـوه يشـد ويقـوي ثباتـه
...........لا ينزّل دمع يجرح لـه عينيـه
باكر بيندم ويصحى من سباتـه
..........يحتضن قبري ويبكـي يرتجيـه
يعتذر عن جرحه وظالم سواتـه
............معترف بالذنب لكـن بعـد ايـه
مايفيد الصوت دام الفوت فاتـه
..........من خذاه الموت وش له يحتريه
الزمن غـادر وتطحَنـا رَحاتـه
.............ماصفا حاله على الدايـم كذيـه
يستوي ويقوم ويلملـم شتاتـه
............يبقى شامخ جلد صبـار ونزيـه
طمنوه انـي مسامحته لذاتـه
.............بشـروه.. الله يرضالـي عليـه

كلمات مؤثرة


شكرا لك على هالإبداع

صح لسان قايلها

مؤثرة جداً

تحياتي لك

كلماتها أختي البرقا دااااخل القلب .
صح لسانك والله يجازي المسامح بكل خير .
تحياااااااتي وأشواقي الحارة لك .... برق .

كلمااااااات بغاااااية الألم حييييييييل اثررت فيي


برررقااااا تحياااااتي لك