دخيل خذ مـن والـدك لـك مسالـه=مسالـةٍ مايفهـمـه كــل رجــال
احشم خويـك عـن دروب الرزالـه=تر الخوي عند الاجاويـد لـه شـان
والمرجلـه بالـك ترخـي حبـالـه=حذرا تعيـل ولاتراخـى لمـن عـال
البـل يفتـل مـن وبرهـا عقـالـه=والخيـل تزلـج بالشبيلـى والاقفـال
ان كان ماتدعـى علـى كـل قالـه=تراك من حسبـة هـدومٍ لـه ازوال
وان كـان دلـوك ماتموحـه شمالـه=تر النشامـا ينسفونـه علـى الجـال
رفيقـك الدانـي ليـا شفـت حالـه=احمل عليك مـن المعاليـق ماشـال
ياعـل رجـلٍ شوفتـه قـد حـالـه=عسى تـدور زوجتـه فيـه الابـدال
الحمّـرة تـدرك معيـشـة عيـالـه=لاعاد مايبغـى منـه بـاق الاحـوال
وان صار لك من عوص الانضا زماله=حمرا تورد بـك ليـا صنقـر الـلال
تمرس كما تمـرس خطـاة المحالـه=مع سهلـةٍ عمّّـال مـن جامعـه ذال
خلـه مـع الديـان تمشـي لحـالـه=ياصار ماانت لمسـة الخشـم حمـال
تـر ربـع يـومٍ مجلسـك بالشكالـه=يسوى حـلالٍ عايشيـن بـه انـذال

قالوا تسير قلت مامـن فضـا بـال=وقت(ن) على الاجواد مابه وناسـه
قم سـو يـاراع المعاميـل فنجـال=كثر بهـار الهيـل يغـدي عماسـه
هذا زمان(ن) مقبل(ن) منه انـا ذال=ناس(ن) كلت ناس(ن) بخبث ونجاسه
قامت بصاع المنكر النـاس تكتـال=ودلت تبـاع الجوهـرة بالنحاسـه
واشوف انا الاِسّـود خِشّـع وذلال=وقت(ن) به الحصني يدور الفراسه
راع الجحش شرهن على جدع خيال=متحزم(ن) فوقـه بدرع(ن)وطاسـه
ولباسة الجوخ الحمر وادهم الشـال=قامـت تغولهـم عيـال البساسـه
ماينتعـدل شيـل بقعـا اليـا مـال=ومنـيـن ماعدلتـهـا ماتـواسـه
ياراعي الخصرين والطوق وهـلال=اللـي شفاتينـه سـواة اللعـاسـه
اصبر وعند الله تصاريف الاحـوال=والقصر مرجاعه على بني ساسـه

راكب اللي مـا يعـوزه تواصيـف=حمراء تورد به ليـا سـرب الـلال
قب الضلوع وطولهـا بالأطاريـف=شقرا شعر به من تحت تقل سـروال
يزال جفله للخـلاوي علـى الكيـف=عاقل تحض المزهبـه ليـن تشتـال
ويروحـه مـع وادي ذل ومخيـف=ركّابها عـده عـن الجيـش خيـال
ويا درهمة تشدى سريع الشواحيـف=يكتلـه مـوج ٍبعيـد عـن الـجـال
منوة غريـب دون حيـه مياهيـف=اللي من الثنتيـن يامـن بـه الـذال
تلفـي لربعـي نازليـن الأطاريـف=نزّالة الحـزم المطـرف ليـا سـال
ربعي هل الطولات وتكرّم الضيـف=ربعي هل الردات ماضيـن الأفعـال
بتفرّق الشوفـات ياحيـف ياحيـف=الله لحـد ماطـاح بالفكـر رجــال
الفكر ساس الحظ والفعـل بالسيـف=والعـز بجمـع الرفاقـة والأفعـال
وليا ضاع فكرك شاور اهل المعاريف=الله جعـل لمـدوّر الفكـر الأسيـال
ولا تشاور إلا من يخوّفـك ويخيـف=يتيـه راي مشـاور البايـه الضـال
ولا تطيع مقرود ٍ يدربيـك بالهيـف=وليا سرا بك قبلـة تصبـح شمـال
بير العيا من طببه قيـل مـا شيـف=همج ٍ ولا عمره ظهـر منـه حيـال
وصيّور ما للقالات تاتـي مناكيـف=وتصير كسبات الفشايل لمـن عـال
يانـاس بقنـا الله بكثـر المحاليـف=هو الذي عنـده ميازيـن الأعمـال

ياراكب اللي كن فخذه مـن الجيـم=ماسومها الكفه على الساق وهـلال
ابوه وضيحـانٍ مضربـه سليهيـم=وجده فحل شعلان من زمل شـوال
عليه حلايا وصـف قـوادة الريـم=شقرا وغاشٍ وركها مثل الاشعـال
لا هي قمر لا ريح لا شين لاغيـم=ولا هي قطاةٍ حاديه واهـج الـلال
فيحا ومشيه بالعصـا دوب تيميـم=ركابها عده عـن الجيـش خيـال
عليه دليـلٍ مـا بمشيـه تعاويـم=قـطـاويٍ اوي والله مـرســال
مدت من الخابور من قبـل تقديـم=وبالمد الايمن ركب الجدي بشمـال
خل الغراب ايمن منك صوت او قيم=ووادي المياة ايسر منك هو وماسال
ومن عند لاهي بس خلـه تراهيـم=وخله تروح بك مع الخـر زرفـال
خله تسهم بك مـع الخـر تسهيـم=والخامسه تشرب من الحزل زللال
ومن الصليمي خشم ربدا الى دهيم=ويا ما تطالع من رهاميـن وازوال
بخور الخماطيـة رجـوعٍ مقاويـم=ربعي هل الطولات ماضين الأفعال
ربعي لذيـدان المعـادي مجاريـم=كـم بـدريٍ باسبابهـم راح وبـال
الظهر عنـد مولـم الـزاد توليـم=مره على البايح هجـورٍ وفنجـال
والعصر عنـد مذبحيـن المراديـم=اهـل دلالٍ بـس تقليـط وارسـال
شيوخٍ وحكـامٍ وحصـنٍ نواهيـم=ضياغمٍ لا شافـوا الـزول زعـال
اللي عطـاه الفيـن بيـتٍ بتقسيـم=وانا عطوني مثولثٍ كنـه الجـال
ياما عطت يمناه من طرش وغنيـم=وياما عطت يمناه معهن من المـال
ماقلتهـا ادرا ولا زاحمـن ضيـم=ولا خايفٍ منهم ولانـي بعـد ذال

يا راكب اللي تقل تداري من ايده=حمرا على السند اخروم يشوعي
حمـرا تدنّـا للديـار البعيـدة=عمال ما جارت عليها القطوعي
ركابها يوصل سلامـي امكيـدة=حبه مخلي بالضمائر مزوعـي
كلٍ نهار العيـد عايـد وديـده=وأنا نهار العيد عيدي ادموعـي
ياناس هنيـت القلـوب البليـدة=ما ولعنـة زاهيـات الردوعـي
جو جمع من كل سمويٍ بديـده=وجان البلاء من ذهيبان النجوعي
الرأس ذيل اللي تلـوج بحديـده=شقرا ترادي من هواها الفزوعي

أبديت أنا هاجوس قلبـي بقيلـي=ماهي هواجيس القلوب الهبايـل
هرجات ماهولس بهـن الهبيلـي=مثايل من رمعـة العقـل قايـل
دخيل كان أنك لهرجـي تشيلـي=هرج يدل اللـي يتيـه القوايـل
ياصاحبـي وداعتـك يادخيلـي=ودعتك اللي ما يبـوق الرسايـل
خويك اللـي بالخلا لـك وكيلـي=لوزل عنـدك زلـة لا تسايـل
وأحذرك عن رفقة خطاة الرذيلي=ماينبذر بلّـي يغـط ّ الجمايـل
صديقك اللي قبل جيلك وجيلـي=صديق جدك بالعصور الأوايـل
لاتطيع به حكي العرب والنقيلي=عدّل معه شيله الى صار مايل
وعدوّك اللي بغض جده محيلـي=تاتيك لو صافـاك منـه النقايـل
وأفهم ترى باقي العرب مايضيلي=ياصاحبي ماغير ربعك صمايـل
أصبر تصير بعين ربعك جليلي=صبرك يجنبك الدروب الرذايـل
الصبر يودع باب حظك طويلـي=وخل الهبايـل تايهيـن الدلايـل
ياصاحبي حذراك بالـك تعيلـي=ارتك على العاقل اللي جاك عايل
ياصاحبي حذراك تنسى الجميلي=ولاتنفـع اليمنـى بليـا شمايـل
الكد يصلح بالحصان الأصيلـي=اللي يهـدد بالجيـاد الأصايـل

انا هوا بالي خطات السجلـه=هذا هوا نفسي وغاية مرادي
ان غاب عنها كافره واسفهله=ياتقل له رب المقادير هـادي
يابركن عوص النضا بالاضله=بالقايله تلقى قرينـه يـدادي
حمرا ومذنب عينها تقل غله=مثل لهيب النار لولا السوادي
حمرا بطولٍ باتسـاعٍ بجلـه=حمرا وتقل مولفه لك ستادي
ياجللوا دهم القرب بالاجلـه=والما بعيدٍ حال دونه حمادي
ياوردن مع سهلةٍ مـا تدلـه=عليه ردي الخال ماله جلادي
لحاقة المقفي ولا يلحقن لـه=حمرا سنادٍ غاربه للشـدادي
تشدا تهنفل خفرةٍ جـاه خلـه=متغربٍ عقب البطا جاه بادي

القلب يبرم بالهواجيـس ويديـر=من جادل جتها طوارف اطروشه
قام الفهيم وصخر القيل تضخير=قرايض ما ولفوهـا الدحوشـه
والله يالولا باقي الناس لا اشيـر=اخاف من ناس تنثـر اقفوشـه
لاقول عجوا بالبنـي الغناديـر=وعزي لمن له عشقه ما يحوشه
مصور منبوز الارداف تصوير=تصوير وشحا نايشتها اعطوشـه
لا بالقصار ولا الطوال الطناطير=ولا بالغلاظ ولا دقـاق نشوشـه
خده من الموت الحمر به دواوير=كن الصعيوي دورجن في نقوشه
خده عفر واصفر كما ذوبه الكير=والخشم مصقول بلمات هوشـه
والردف شط امتيه له علي ضير=امه جضور وراعية ما ينوشـه
والا يشادي نابيات الحماريـر=عقب الهبوب ونايشتها رشوشـه
وثنيوات الترف غـر مغاتيـر=من شافها يسقم علي اردا معوشه
والعين عين اللي بروس العناقير=نجل سواد عيونها مع ارموشـه

يا الله يعالـم خفيـات الاسـرار=حليـم ماتخفـا عليـك الجحـاده
تفرج لقلـب دب الايـام محتـار=الى قلت هـود جـاه يـوم وزاده
قلب غدا لمذلق الشوك محضـار=سـدر بساتينـه وطلـح بـلاده
من عقب ذاياركبن فوق مزعـار=مافوقـه الامزهبـه مـع شـداده
حمرا سناعينه تشادي سنـا نـار=تلقب كما المشهاب عقب السواده
عين العديم الي سمع صيحة الجار=وعى ولـه عندالملازيـم عـاده
تلقى فهد وتبلغـه كـل الاخبـار=العلم كلـه داخـل فـي فـواده
ما من قلوب حيل كله بها اعشار=غيب والادريويـش حـزة ولاده
تلقح رجال من رجال بالاشـوار=وكل بحد السيـف ياخـذ سـداده
سبب لقاحه من مدورة الاشـرار=لقـاح قبسـون قمعهـا زنــاده
والصبر مابـه للفتى كسرةاعبـار=ليـن لـه الدنيـا تبيـن مقـاده
ان كان ضيف مخطىله على جار=عزالله انك ناجيـن مـن سـواده
رعى الزقيميات فىضلع سنجـار=اخير عنـدي مـن قعاد الزهـاده

نجدٍ جفتنا بالمحـل وأبعدتنـا=ويوم أخصبت حنا هذولاك جينا
لولا محمد ماإفتـدت سابلتنـا=كان تاخذ الحكام بـاقٍ علينـا

ياراكبٍ حمراء تسوف العراقيب=حمراء تسوف كعوبها بي سبيبه
تلفي لهل العلياء هم منقع الطيب=ونعمين بالعلياء ومن ينتخي بـه
رويلات والله مابهم عد أجانيـب=ولا منهم اللي نازحٍ عن قريبـه
سطام مثلك ماحمل به ولا جيـب=من مطلع البيضا لغربي مغيبـه
مايستوي للبيض غيرك ضواريب=البيض خطو المشتبه وش تبي به
ياشوق من عيّت على كل خطيّب=قبلك على كل القبايل عصي بـه

يا راكب حمرا من الجيش مرعـاب=طويلـة الساقيـن مثـل الـزرافـه
ما ضربت عند الشرارات بضـراب=ابوه وحـش هـي كاسبينـه حيافـه
بين الرباع وسنهـا وبيـن الانيـاب=ومحيلينـه ليـن زيــن عسـافـه
وليا روحه مع سهلة تلعـب ألعـاب=تاطا علـى مثـل المجيـدي خفافـه
يقصر رسنها ويدب الجيـش بـاداب=مثل الطموح اللـي تزايـد اعيافـه
تسهم على الممشى كما يسهم الـداب=وتنـف برطمهـا وللذيـل سـافـه
وعلى السنود مضريه توثب اوثـاب=عين العديم اللـي يشـوف الجنافـه
وليا ركبها الشيخ والغـزو كسـاب=وحكوا مطـراش الأهـل والكيافـه
كثيرهم يلفي على اللـي تقـل داب=وهروجها مثـل وشيـش الحضافـه
لجه مثل معـارك الذيـب وكـلاب=والذيب منهم خاطـف لـه خطافـه
زوله طويل وغاربه تقـل مصـلاب=ومن طول زوله صاير بـه هدافـه
وليا جت بالسايه تقل مشـي دولاب=حسـه طويـل ولاتهـاب القنـافـه
والشيخ يلفي على وضـاح الانيـاب=بنت الشيوخ اللـي تبـارق رهافـه
بنت الشيوخ اللي خواله له انسـاب=اعطوه (نوره) من سخاهـم مرافـه
يا شبه وضحا به دباديـب واجنـاب=اللـي يحطبـه الجـرس والكتافـه
ما شفت (نوره) مع اجانيب واصحاب=ولا تنتوصـف عايـزات اوصافـه
يا عود مـوز بـه الريـح تنسـاب=يازيـن ياهـب الهبـوب انتسافـه

قالو تشير وقلت انا اليـوم ماشيـر=وعيب على من جاب شوره ولا جاز
خيل الصحابه ربّطـت بالجواخيـر=يصفقن من قل العوافـي بالاجـواز
الاوله ماجـت علـى نيـة الخيـر=ولا صاده الوكري خذا حر من باز
والثانيه بنـت الشيـوخ المناعيـر=اللي لهم عنـد المظاهيـر ملكـاز
والثالثـه يدهـم خمالـه دميثـيـر=نفل بتصويت العشـاء كـل عنـاز

الى قيل هاوش ذا شحلن تشحيل=مثل النعام اللي مع القاع شـراد
حيل يشادن مرمسات المحاحيل=الى قلت بادن هاظ مكنونهن زاد
تلقى على اثرهن قطيع المخاليل=تدويح يتمان على كرمة اجـواد
فان نوخوهن العيال المشاكيـل=على طرف قوم يحرفون الاذواد
يشدن تحلفز رجعن تالي الليـل=جاهن خبر عرس وهن قبل رقاد

ياراكب اللي كـن مشيـه تضـدي=مامونةٍ منـوة مقضـى الاغاريـض
حمرا علـى السنـدا عديـم يهـدي=عليه سنـام شاتـي عقـب تقييـض
ميـلاف عنـد المزهبـه ماتـردي=ولاعذبتنـي بالرغـا والتفاضيـض
نصـه عتيـق يانصيتـه يـسـدي=قرمٍ يبيع الروح بـاردا المعاريـض
مـن ماكـرٍ ينتـج حـرارٍ تهـدي=ربعٍ لـه يـوم اللـوازم مراكيـض
لايابعـد خالـي وعمـي وجــدي=وباللي غدا يالقرم فيـك المعاويـض
ابي عليـك ابـدي خفيـات سـدي=قلبي تـدالاه الهواجيـس والغيـض
عتيق وجرحـي بـرى واستـردي=من هم غروٍ نقض الجـرح تنقيـض
عينه كمـا الساعـه لوقتـه تعـدي=او عينٍ عنزٍ سوهجت عقب تربيض
والـردف شـط حـوارة ماتـردي=ترضع لبن بكر على الكيف تفويض
والزول زملـوق نعـم واستجـدي=وكساه عن لفح الهوى عشب تحميض
وشوفـه بليـا شـب نـار يغـدي=ياصار قلبك داله مع هـوى البيـض
بنـت الـذي عينـه لربعـه تقـدي=حقه عليه من الضـواري لعافيـض