هل الشعر شلال بالقاف رقراق = قريحة فاضة على غير طوعي
يسوقها مزن من الشوق براق = رعادها يدوي بصوت يروعي
وهل القلم حبره على صدر الأوراق = ثم امتزج نزفه بماطر دموعي
وتشكلت صورة غلا وسط الأعماق = بريشة وفاء نسجتها من ضلوعي
رسمت ( للغالي ) تعابير مشتاق = لوحة صدق واخلاص من كل نوعي
لبو ( محمد ) ساقني جمر الأشواق = شوق بصدري فاتح له فروعي
له مجلس له قرة العين تشتاق = يلم لعلوم المراجل جموعي
وله خاطر من خاطر البيت ماضاق = ولاهو على بذل المكارم جزوعي
ضحكة حجاج زانها حسن الأخلاق = ونفس كريمة زاهية بالطبوعي
من لابة لها الفناجيل تنساق = وان ادمست سود الليالي شموعي
قحطان صيته عابر فوق الآفاق = لا أضرست حدب الهنادي دروعي
شيوخ الكرم سمن على الدوام دفاق = والضيف حول بيوتهم ما يجوعي
والشعر في وصف الرجاجيل ينعاق = حسبي على قاف بحقه قطوعي
وصلاة رب عد مابان الاشراق = على نبي للخلايق شفوعي